Kurdishmusic

Heseniko

Hesenîko qurban ava çemê Mûradê tê û leme-lem e hoyê….

Hesen qurban wezê li qiraxa çem rûnistîme li benda te me hoyê...

Wezê bêjim kelekvano ez ketime bextê te min derbasî wî alî ke

Wez kefîla heqê te me hoyê...

Na na wele tê min derbas neke wezê sîng û berê xwe ji xwe re bikim kelek û gemî, wezê derbasbim cem Hesenîkê xwe, wez helala canê Hesenîkê xwe me hoyê... De lê lê wî Asê...

Lo lo Hesen dîno wezê naçim Mûradê lo bilind ciya hoyê...

û çû keriyê mala bavê min danîne li zozanan cem bêxêrê pezkuviya hoyê...

Lo lo Hesen dîno bê te xewka min nayê gidî li nava ciya hoyê...

Bira dêk û bavê min xêrê bikin û xêrê qe nebînin

Çawa min nedan Hesenîkê bi dilê min, min dane lawê Heskê Xelo ew sûndokê ser xaniya hoyê... De lê lê wî Heseno...

Hesen qurban min go ji Mûradê heta vira hoyê...

Ava Mûradê pêl bi pêl e derbas dibe ser pira hoyê...

Hesen qurban bira agir bikeve mala fesad û awara

Wele minê bizanibiya te yê ji min ra bigota Asê xwehingê, minê bigota Hesen bira hoyê...

Na na wele bisewite mala zalim û xêrnexwaza sala îsal xwîna sor nedirijiya li ser kevirê hoyê... De lê lê wî çi bike Asê...

Gulizer

Dibêjin gul nexwes e wey gulîzeram

Dibêjin gul nexwes e wey gul ez bimrim

Rebenê bi bextê res e

Wey gul wey gul wey gulîzer

Derdêm yek bû bûne sedhezar